老 千ＣＹ全家遊千山

中環出更：網民爆料 ＣＹ全家遊千山
http://orientaldaily.on.cc/cnt/news/20130830/00176_121.html
特首梁振英（ＣＹ）今日結束為期十一日休假復工，究竟佢喺休假期間去咗邊度，過去一直係個謎，早前有傳佢去咗內地東北一帶休息，但冇圖冇真相，講乜都嘥氣。有一眼關七嘅網民就轉發咗微博訊息，爆料話ＣＹ同家人曾到遼寧千山風景區遊覽，唔知ＣＹ遠離繁囂充完電後，政府施政管治方面會否有一番新氣象呢？

港府一向不會透露政府主要官員休假嘅目的地，但呢個資訊發達年代，亦難逃網民嘅追蹤。有網民最近喺網上討論區報料，話ＣＹ休假期間曾到千山風景區遊覽，其中遊覽大佛景區時，據講ＣＹ起初被「大佛寺」三個字吸引，原來呢三個字係香港西方寺主持親筆題寫，ＣＹ大讚千山有神韻，而且係靈秀之地。

不過，再細心留意網民轉發嘅微博訊息同圖片，原來ＣＹ呢次行程非單獨行事，而係全家總動員出遊，包括太太唐青儀、三名子女包括傳昕、齊昕同頌昕，似乎一向重視家庭觀念嘅ＣＹ，一早已計劃利用呢個難得嘅假期同家人共享天倫樂。

卓妮

*******************************************

去老 千山 拜佛？進修？

佢遼寧同北戴河距離唔遠，去一個旅遊區亦唔使十一日。